He aha te mahi?

Ka whakamahia te gliclazide hei whakamaimoa i te matehuka. He whakaheke i tō kūhuka toto mā te whakapiki i te rahinga o te taiaki huka e hangaia ana e tō tinana.

I mua i to tīmata

• Me kōrero atu ki tō rata mēnā kei te raruraru tō tākihi, hohoretanga G6PD rānei.
• Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me ōrite te gliclazide e ai ki ngā tohutohu me tētahi inu wai, ko te mea pai i te tīmatanga o te kai.

Ka aha mēnā ka wareware i a koe tētahi horopeta te kai?

Ki te tāhapa i a koe te kai i te gliclazide kaua ā kainga ā muri ake. Me waiho te horopeta i tāhapatia ka haere tonu e ai ki ngā tohutohu. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Ka tukituki pea ētahi rongoā ehara i te ōta rongoā ki te gliclazide, pērā i ēnei:

• pia ā-waha miconazole (hei tauira, Daktarin Oral Gel®)

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino	Tūtohutanga hei whai
Kōpukupuku, mangeo	Me kōrero atu ki tō rata
Ka mamae te puku	Me kōrero atu ki tō rata mēnā kei te mamae

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

• Mēnā ka māuiui koe, me whai i tō mahere rā-māuiui matehuka, me kōrero rānei ki tō mātanga hauora.
• Tirohia tō taumata kūhuka toto e ai ki ngā tohutohu a tō mātanga hauora.
• Me whai aromatawai toto auau (HbA1c) koe hei tirotiro he pēhea te pai o te whakahaere i to matehuka.
• Ka rerekē pea i te waipiro ō taumata huka kūhuka, ā, ka nui ake te tūpono pā mai o te hapahuka. Ka hunaia pea e tēnei ō tohu whakatūpato o te kūhuka toto iti.
• Tirohia ō taumata kūhuka toto i mua i te taraiwa. Kaua e taraiwa mēnā kua pā mai te hapahuka i te mea kāore e haumaru te taraiwa i te hapahuka.