He aha te mahi?
Whakamahia ai te erythromycin hei whakamaimoa me te ārai i nga whakapokenga me ētahi atu mate i
ētahi wā.
I mua i to tīmata
- Me kōrero atu ki tō rata mēnā he mate manawa tōu, mate ate, puku rānei.
- Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.
- Ka whakahaerehia pea e tō rata he whakamātautau manawa (ECG) i mua i tō tīmatanga, ā, i a koe e kai ana i te erythromycin.
- Me kōrero atu ki tō rata mēnā kei te pāngia koe e te phenylketonuria (PKU). Kei roto pea i te wē erythromycin ko te aspartame (he pūtake nō te phenylalanine).
Me pēhea te kai?
Me kai i te erythromycin e ai ki ngā tohutohu. Me kai haere kia pau katoa, ahakoa ka pai haere tō āhua.
Me kīnaki ngā pire ki te karāhe wai.
Āta inea te wē mā tētahi pūwero, pune ine rānei. Kia kaha te rurerure i te pātara i mua i te ine i ia horopeta.
Ka aha mēnā ka wareware i a koe tētahi horopeta te kai?
Me wawe tonu te kai i te horopeta ka haere tonu e ai ki ngā tohutohu.
Ka taea anō e koe ētahi atu rongoā te kai?
Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota (hei tauira, St John's wort), ngā whakapōauau rānei.
He aha ngā hua kino ka rongo pea koe?
| Ngā Hua Kino | Tūtohutanga hei whai |
|---|---|
|
Kapa manawa tere, pokapoka rānei, tāporepore Ko ngā tohumate o te mate ate ko te: kōwhai o te kiri, karu rānei, mangeo, pōuri o te mimi, kōmā o te hamuti, mamae puku |
Me wawe te kōrero atu ki tō rata |
|
He tino kaha, mauroa rānei te mate tikotiko, mamae puku Turi haere, wawaro i ngā taringa Ngā hakihaki mā iti i rō waha, arero huruhuru (mateīhi ā-waha) Mangeo te tara, tahe (mateīhi ā-tara) rānei |
Me kōrero atu ki tō rata |
|
Mate tikotiko Ānini māhunga |
Me kōrero atu ki tō rata mēnā kei te mamae |
|
Ka mamae te puku |
Me kīnaki ki te kai |
Ki te pā mai ētahi atu hua kino, me kōrero atu ki tō rata, kaitaka rongoā rānei.
Ētahi atu mōhiohio:
- Me rokiroki te wē erythromycin e ai ki ngā tohutohu. Ina pau te wā mō te kai i te rongoā, me whakahoki e koe te toenga wē ki tō taka rongoā.
He mōhiohio hira kei roto i tēnei mātārere, engari ehara koinei ngā mōhiohio katoa, mō tēnei rongoā.
I whakaritea e te Komiti MyMedicines i te Hōhipera o Ōtautahi, Te Whatu Ora - Waitaha, Aotearoa. Poutū-te-rangi 2023
For more general information about this sheet and its contents, see: What does a My Medicines sheet cover?
Te Reo Māori
Te Reo Māori information sheets supported by Health Quality and Safety Commission New Zealand
Web links for this sheet in different formats
Click on buttons to copy web addresses for this leaflet:
If your browser does not automatically copy these links use its copy command instead.
About My Medicines
My Medicines Patient Information Leaflets (PILs) contain important, but not all, information about the medicines they describe.
For more information about the sheets, see: What does a My Medicines sheet cover?
My Medicines is developed by a team at Te Whatu Ora – Waitaha. Our team is made up of doctors, pharmacists, and a non-medical person to help us keep to plain language. We also discuss our information with specialist health professionals or groups when needed